नेको इन्सुरेन्स वीरगंजद्वारा बिमा सम्बन्धि अभिमुखीकरण तथा शैक्षिक सामग्री वितरण

वीरगंज २३ माघ ।
पर्सा जिल्लाको बिन्दवासिनी गाउँपालिका वडा नं. २ स्थित श्री राधाकृष्ण चौरसिया माध्यमिक विद्यालय बहुअर्वा भठ्ठामा नेको इन्सुरेन्स लिमिटेड वीरगंज शाखाले शुक्रवार “नेकोको अभियान, शिक्षामा योगदान” भन्ने मुल नाराका साथ बिमा सम्बन्धि अभिमुखीकरण कार्यक्रम सम्पन्न भएको छ ।
सो कार्यक्रममा कम्पनिका मधेस प्रदेश कलस्टर हेड बिक्रम आलेले शहरमा मात्र नभई गाउँ–गाउँ, घर–घरमा बिमा सम्बन्धि जानकारी दिने उदेश्यका साथ विद्यार्थीहरु सँग अभिमुखिकरण कार्यक्रम गरिएको बताए ।
नेको इन्सुरेन्स लि. लिंक रोड वीरगंज शाखाका इन्चार्ज ओम प्रकाश पटेल र वीरगंज शाखा कर्मचारी प्रनिश सापकोटाले सो स्कूलमा अध्यनरत्त कक्षा ९ र १० का विद्यार्थीहरुलाई बिमा के हो ? बिमा कसरी हुन्छ, यसबाट हुने फाईदाहरु लगायतका विषयमा जानकारी गराएका थिए ।

सो अवसरमा बिमा कम्पनिले सो विद्यालयका कक्षा ९ र १० का विद्यार्थीहरुलाई डायरी, जोमेट्रीक बक्स, क्यालकुलेटर, पेन लगायतका शैक्षिक सामग्रीहरु समेत वितरन गरिएको थियो ।
श्री राधाकृष्ण चौरसिया मा.वि.का प्रधानाध्यापक सरोज चौहानको अध्यक्षतामा सम्पन्न सो कार्यक्रममा विद्यालयका शिक्षक, अभिभावक, बुद्धिजिवी, सञ्चारकर्मी लगायतको उल्लेखनिय सहभागीता रहेको थियो ।i