Day: १४ भाद्र २०८२ २३:०७

वीरगंज । पूर्वराष्ट्रपति विद्यादेवी भण्डारीले महिलालाई समाज परिवर्तन र नेतृत्व लिन आत्मविश्वासी बन्न आह्वान गरेकी छन्। वीरगंज उद्योग वाणिज्य संघद्वारा शनिबार आयोजित ‘बृहत महिला सम्मेलन–२०८२’ मा बोल्दै उनले महिलाको योगदान परिवार निर्माणदेखि उद्योग–व्यवसाय, शिक्षा, स्वास्थ्य र सामाजिक रुपान्तरणसम्म अग्रपंक्तिमा रहेको उल्लेख गरिन्। भण्डारीले महिलाको शक्ति र त्यागलाई संस्थागत रूपमा सम्मान गर्न सकियो भने समृद्ध नेपालको सपना पूर्णरुपमा पूरा हुने बताइन्। उनले मधेसका जनताले चुरे क्षेत्रको दोहन, मरुभूमिकरण, बाढी डुबान र भूमिगत पानीको स्तर घट्ने समस्याबाट जुद्धिरहेको पनि औँल्याइन् र सरकारलाई कडाइका साथ नियमन गर्न आवश्यक रहेको बताइन्। सम्मेलनमा महिलाको उद्यमशीलतालाई प्रोत्साहन गर्न र आगामी पुस्तालाई प्रेरित गर्न जोड दिँदै उनले “महिलाको…