नेपाल कमर्शियल आर्टिष्ट संघ पर्साद्धारा खुल्ला आर्ट प्रतियोगिता सम्पन्न

वीरगंज । नेपाल कमर्शियल आर्टिष्ट संघ जिल्ला कार्य समिती पर्साले शनिवार खुल्ला आर्ट प्रतियोगिता सम्पन्न गरेको छ ।

वीरगंज बिर्ता स्थित श्री त्रिजुद्ध माध्यमिक विद्यालयको विज्ञान भवनमा आयोजिता प्रतियोगितामा ज्ञान्दा एकेडेमीका रवि राज यादव प्रथम, रोयल एकेडेमीका उपासना कुमारी द्वितिय र मिनिल्याण्डका प्रतीक कुमार गुप्ता तृतिय स्थान हासिल गरेको संघका सचिव रामनरेश चौरसियाले बताए ।

विभिन्न स्कूलका ५० जना विद्यार्थीहरुको सहभागिता रहेको सो प्रतियोगिताको निर्नायक मण्डलमा बरिष्ठ कालाकार श्याम श्रेष्ठ, सागिर अहमद, म.अजाद आलम रहेका थिए ।

नेपाल कमर्शियल आर्टिष्ट संघ पर्साका अध्यक्ष मनिष श्रेष्ठको अध्यक्षतामा सम्पन्न सो कार्यक्रममा प्रमुख अतिथि वीरगंज महानगरपालिकाका मेयर राजेशमान सिंह, संघका भुपु अध्यक्ष कमलेश राम लगायतकाले शुभकामना मनतव्य व्यक्त गरेका थिए ।

सो प्रतियोगितामा विजयी विद्यार्थीहरुलाई नगद पुरस्कार प्रथमलाई १० हजार,द्वितिय लाई ७ हजार र तृतियलाई ५ हजार सहित  अतिथिहरुले शिल्ड तथा प्रमाणपत्र वितरण गरेका थिए ।