Advertisement
विषालु बेलुन
Advertisement
* नारायण ढकाल
दूषित हावा भरेर
नेपाली आकाशमा उडाइएका उँधोमुन्टे बेलुनहरू
चकलेटी आसमा तानिएर
जीवनवादी/जीवनदायी दर्शन बिर्सेर
गौरवमय इतिहासको अपव्याख्या गर्दै
युरोप र अमेरिकाका गल्लीहरूमा
वेद, त्रिपिटक र मुन्धुमका पाना च्यातेर
सारहीन बोक्रेदर्शन र कलाहीन
सिद्धान्तको महिमा गाउँछन्
र धरतीमा ज्ञान गङ्गा बगाउने सपना बाँड्छन्
अनि,श्रीखण्डलाई लत्त्याएर
धमिरे काठमा सुवास र शीतलता खोज्ने
असफल प्रयासमा रमाउँछन्।
विषालु बेलुनहरू!
विगत विश्व-रङ्गमञ्चमा भएका
जातीय,क्षेत्रीय,साम्प्रदायिक हिंसाको
बीभत्स इतिहासबाट बेफिक्र
शकुनिको निर्देशनमा
आफ्नै आमाको पेटमा
धारिलो हतियार सोझ्याउँदै
सामाजिक सद्भावको घाँटी निमोठेर
एकतामा अनेकताको विघटनकारी
आपसी वैरभाव र शत्रुताको विष वृक्ष रोप्छन्
र मृत्यु गीत गाउन तम्सिन्छन्।
हावा महलमा उडेका बेलुनहरू,
क्षणिक उँचाइलाई वास्तविक ठान्दै
रद्दी कागजको फिरफिरे फिर फिराउन खोज्छन्
झन्डा ठानेर-नेपाली घर आँगनमा
वैतरणी तर्न खोज्छन् कागजकै डुङ्गा चढेर
अनि, जेरुसलम र भेटिकन सिटीसम्म पुगेर
मालिकलाई विश्व विजयी बनाउने
भ्रम पस्किन्छन्।
धरातल बिर्सेका ल्याप्चे बेलुनहरू,
ल्याप्चेमै नयाँ इतिहास लेख्ने सपना देख्छन्
महको लालचमा
अरिङ्गालको गोलामा हात हालेर
विध्वंसलाई म्वाइँ खान्छन्
र, मृत्यु निम्त्याउन तम्सिन्छन्
आखिरमा,
उडाइएका विषालु बेलुनहरू
आगो बालेर फालिने सलाईको काँटीसरह
जुठेल्नुमा मिल्क्याइन्छन्
मात्र जुठेल्नुमा ।
प्रतिक्रिया दिनुहोस
Advertisement
Advertisement
Advertisement
समाचार
राजनीति
क्यान्डल बालेर खेरुङ बाढी–पहिरोका मृतकप्रति गोल्डेन फ्युचरको श्रद्धाञ्जली
वीरगञ्ज । रसुवाको खेरुङमा आएको बाढी–पहिरोमा परी ज्यान गुमाएका मृतकहरूको सम्झनामा वीरगञ्जस्थित गोल्डेन फ्युचर सेकेन्डरी स्कूलमा सोम...
गोल्डेन फ्युचरमा विद्यार्थी नेतृत्व विकासका लागि तीन क्लब गठन
वीरगञ्ज । वीरगञ्ज–११, श्रीपुरस्थित गोल्डेन फ्युचर सेकेन्डरी स्कुलमा Science Innovation Club, Future Leadership Club तथा Spor...
जगरनाथपुरमा समावेशी विकासमा जोड, अपाङ्गतामैत्री नीति र बजेट निर्माणको प्रतिबद्धता
पर्सा, जगरनाथपुर । पर्साको जगरनाथपुर गाउँपालिकाले लैङ्गिक समानता, अपाङ्गता तथा सामाजिक समावेशीकरण (GEDSI) र अपाङ्गता समावेशी विकास...
भाथा बाबाको दर्शनका लागि तिलावे नदीबाट जल बोकेर डाक बममा भक्तजनको प्रस्थान
वीरगञ्ज, पर्सा । पर्साको वीरगञ्ज महानगरपालिका–१९ बर्वा गोगस्थित तिलावे नदीबाट जल लिएर प्रसिद्ध धार्मिकस्थल बाबा दुधेश्वर महादेव (भ...