दुईटा किस्ता वापतको रकम भुक्तानी नहुदा वीरगंजका संचारमाध्यहरु मर्कामा

वीरगंज, २३ असार ।
समाजवादी प्रेस संगठन नेपाल पर्साले वीरगंज महानगरपालिकाको लोककल्याणकारी विज्ञापनकाे भुक्तानी गर्न माग गरेको छ ।

संगठनले आईतवार नगर प्रमुख राजेशमान सिंहसंग भेट गरि असार मसान्त सक्न लागेको एक दिन बाकी रहदा पनि भुक्तानी नभएको जानकारी गराउदै भुक्तानी गर्न माग गरेको हो ।

आर्थिक बर्ष २०८०/०८१ को लोककल्याणकारीको तेस्रो र अन्तिम किस्ताको भुक्तानी अहिले सम्म भएको छैन । दुईटा किस्ता वापतको रकम भुक्तानी नहुदा वीरगंजका संचारमाध्यहरु मर्कामा परेका छ ।

नगर प्रमुख सिंहले भोलि सम्म बाकी रहेको सबै संचारमाध्यमको लोककल्याणकारीको भुक्तानी गर्न आश्वासन दिनु भयो । उहाँले भेटघाट कै क्रममा प्रमुख प्रशासकीय अधिकृत र लेखा शाखा प्रमुखलाई संचारमाध्यमको भुक्तानी गर्न निर्देशन दिनुभयो ।

समाजवादी प्रेस संगठन पर्साका अध्यक्ष शम्भु कुमार सुमनको नेतृत्वमा गएको डेलिगेशन टोलिमा संगठनका केन्द्रिय सचिव बृजलाल पासवान, केन्द्रिय सदस्य मनोज पटेल, सल्लाहकार संजय साह, पर्सा जिल्ला उपाध्यक्ष हरिशंकर शर्मा, कोषाध्यक्ष संताेष साह, सहसचिव श्याम सर्राफ, सदस्य प्रदिप साह, संचारकर्मी रामेश्वर चौरसिया लगायतको सहभागिता रहेको थियो ।