बीरगंज ।
पर्साको बिन्दवासिनी गाउँपालिका वडा नं. ५ मा रहेको श्री मसरुर पब्लिक आधारभुत विद्यालय प्रसौनीमा “सबैलाई प्रेम गर, कसैलाई घृणा नगर” भन्ने मुल नाराका साथ अहमदिया संघ नेपालले शुक्रवार निःशुल्क दन्त शिविर सम्पन्न गरेको छ ।
मजलिस अनसारुलाह नेपाल र मजलुस खुद्दामुल अहमदिया नेपालको सहयोगमा सम्पन्न शिविरबाट ३२० जना लाभान्वित भएको आयोजक संस्थाले जनाएको छ ।
शिविरमा देश, बिदेश बाट आएका डा.मुकेश यादव, डा. मेलिना ताफिस,डा. राज कुमार ,डा. डिएगो सोयो, डा. बेनिता कोरो लगायत डाक्टरहरुको टिम द्वारा दन्त परीक्षण गरेका हुन।
अहमदिया सँघ नेपालका अध्यक्ष कमरुल हुदाको अध्यक्षतामा सम्पन्न कार्यक्रममा प्रमुख अतिथि बिन्दबासिनी गाउँपालिकाका प्रमुख प्रमोद तिवारी, विशिष्ट अतिथि साहिद साहब मुईन अहमद, बुद्धिजीवी, पत्रकार, स्थानीय लगायतको सहभागिता रहेको थियो ।